Edicioni Informativ

ferma.jpg
eri Ida16:22 | 21/03/2020

Edhe pse koronavirusi ka paralizuar jetën në qytet, në fshat situata duket pak më ndryshe. ABC News ishte në familjen Çela në Krutje të Lushnjes të cilët merren me kultivimin e domates ne sera dhe me blegtori.

E zonja e shtëpise Afërdita na tregon për punët e përditshmërisë së saj, ku shumicën e kohës e kalon në serrën e domateve.

“I kemi mjellë që me 15 shkurt dhe tashmë për tre muaj presin që të dali. Çdo ditë vijmë pranë serës dhe i bëjmë shërbimin e nevojshëm”, tha Afërdita.

Zonja 50-vjeçare e cila jeton bashkë me bashkëshortin dhe djalin e saj tregon se çdo lloj investimi e bëjnë me forcat e veta, pasi nuk marrin asnjë mbështetje apo subvencion edhe në raste rreziku.

Përveç serrës, ajo që u sjell të ardhura familjes Çela është edhe një lopë, qumështin e të cilës e shesin tek fabrikat e përpunimit kundrejt një çmimi tepër të lirë.

Nëse bashkëmoshatarët e zonjës Aferdita e kalojnë kohen ne shtepi sidomos ne kete periudhe te virusit CoVid-19, ajo ben edhe pune te cilat jane te renda per grate.

“Kosis vetë pasi nuk ka kush të punojë do të punojmë nuk rrihet kot”.

Por si po e perjetojne banoret e fshatit Krutje e Poshtme situaten e koronavirusit?

“Dalim nga e keqja dhe e frikë. Jemi larg njëri tjetrit. Dhe kur e pimë kafen me kunatat jemi larg njëra tjetrës”, shprehet banorja. /abcnews.al

kronikaaaaaaaaa.jpg
eri Ida13:59 | 20/03/2020

Kufizimi i lëvizjeve pas ores 10 të paradites ka shkaktuar dyndje të qytetarëve nëpër marketet e kryeqytetit.  Ata shprehen se detyrohen të bëjnë blerjet me nxitim pasi nuk u mjafton koha. Ka dhe të blerjet me nxitim pasi nuk u mjafton koha.

Ka dhe të tjerë që kanë nevojë të marrin shërbime të tjera dhe ky orar i gjen jashtë shtëpisë.

Qytetarët shprehen se dalin sa për të kryer blerjet dhe më pas kthehen në shtëpi pasi kanë frikë nga virusi COVID-19, por edhe nga masat administrative

Shpesh siç vihet re, nga nxitimi e sipër shumica e qytetarëve harrojnë të ruajnë distance nga njëri-tjetri.

Një pjesë e marketeve janë kujdesur të vendosin mbishkrime të ndryshme për kujdesin që duhet të bëjnë klientët nëpër markete, gjithashtu nuk mungojnë as dezinfektantët

Qytetarët vijojnë të nxitojnë që ora 10:00 ti gjejë në shtëpi

Ka dhe persona të tjerë të cilët janë të detyruar të dalin, por të pamundur të arrijnë në orarin e përcaktuar në shtëpi

Kjo është situata pas ores 10:00 nëpër disa rrugë dhe markete në Tiranë

Shumica e qytetarëve që lëvizin në orarin që është i ndaluar, shprehen se e kanë të pamundur të përshkojnë distancën nga marketi për në shtëpi pasi u duhet të lëvizin në këmbë. /abcnews.al

shkoder-treg.jpg
eri Ida13:54 | 19/03/2020

Këtë të enjte ka hyrë në fuqi urdhri i kryeministrit që kufizohen edhe oraret kur njerëzit lejohen të dalin në rrugë për të kryer blerjet e nevojshme.

Tregu i Shkodrës ka patur më shumë lëvizje këtë mëngjes.

Gazetari Simon Shkreli raporton pwr ABC News në lidhje me situatën në treg dhe pakënaqësinë e konsumatrëve dhe tregëtarëve për orarin e ri./abcnews.al

vloreeeee.jpg
eri Ida13:36 | 19/03/2020

Banorët e Vlorës thyejnë rregullin e ri. Ata lëvizin në grupe. Madje disa familje të komuniteti rom protestuan para Bashkisë pasi izolimi i pengon të kryejnë aktivitete për të fituar para.

Gazetari Elton Nika raporton për ABC News se ata janë përplasur me policisë pasi nuk lejohen protestat.

Ndërsa disa zyra si ato të UKT-së nuk janë të hapura dhe kanë njoftuar që pagesat duhet të kryhen në banka. Vetëm pak njërez janë drejtuar tek pikat e OSHEE për të paguar faturat. /abcnews.al

bukaaaaaaaa.jpg
eri Ida15:53 | 17/03/2020

Qytetarët janë dyndur nëpër furrat e bukës në orët e para të mëngjesit  për të bërë blerje.

Pavarësisht radhëve qytetarët ruajnë distancën nga njëri – tjetri  duke zbatuar rekomandimet e dhëna nga institucionet shëndetësore e madje janë të apisur edhe me masa mbrojtëse.

Pas apelit të bërë për blerjen e bukës të paprerë  në furra konstatohet se nuk shitet bukë e prerë.Madje edhe vetë qytetarët  shprehen se bukën e kanë blerë të paprerë për të shmangur mundësitë e infektimit me Koronavirusi apo të infeksioneve të tjera.

Shoqata e prodhuesve të bukës në vend duke marë shkas nga situata e krijuar nga përhapja e COVID-19 thekson se është tepër e nevojshme ndalimi në mënyrë absolute i prerjes bukës, pasi rrezikon në maksimum shëndetin e klientëve .

Ekspertët sqarojnë se nëse një bukë pritet  kjo shkakton prishje të  guackës mbrojtëse që është pjekur me temperaturë 230-240 °,duke krijuar  pasoja  shumë të mëdha për intoksikimin./abcnews.al

Capture-urgjence.jpg
eri Ida18:56 | 11/03/2020

Një kostum të tillë duhet të veshë çdo mjek apo infermier që përballet me një të dyshuar për Covid 19.  Drejtorin e Qendrës Kombëtare të Urgjencës Mjeksore Skënder Brataj e gjetëm ndërsa demostronte para personelit shëndetësor të Forcave të Armatosura se si duhej mbajtur kjo veshje për të mos u infektuar.

Jo më kot ishte zgjedhur sheshi përpara godinës.

Qarkullimi i ajrit është kundërshtar i virusit të ri korona.

Ndërkohë brenda mjediseve nuk pushonin telefonatat.

Çdo thirrje drejtuar numrit 127 nga e gjithë Shqipëria koordinohet nga kjo sallë.

Përhapja e koronavirusit të ri dhe në vendin tonë ka shtuar panikun tek qytetarët të cilët nuk ngurojnë të telefonojnë dhe për shqetësimin më të vogël.

Vëtëm 24 orët e fundit janë regjistruar rreth 3 mijë e 600 thirrje.

1400 vetëm për Covid 19.

Në 80% të rasteve personat kërkojnë vetëm informacion.

Të dyshuarit për koronavirus skedohen përmes këtij formulari.

Autoambulancat presin urdhërin për tu nisur.

Por a i kanë ato kushtet për të transportuar një person me komplikacione nga Covid 19 nga një spital rajonal në Shërbimin Infektiv në Qendrën Spitalore “Nënë Tereza” në Tiranë?

Brataj thotë se 7 respirator lëvizshëm janë në dispozicion.

“Janë në dispozicion dhe mund të shkojmë kudo, pesë janë në Tiranë, një në Korçë dje një na njoftuan se ishte në Gjirkastër një mjet me respirator. Një numër i pajisje të tilla e përballon numrin e pacientëve në Shqipëri,” tha Brataj

Ndërsa një autoambulancë largohet të tjerat qëndrojnë në gatishmëri./abcnews.al

mjekuuuuuuuuu.jpg
eri Ida17:17 | 11/03/2020

Mjeku imunolog Genc Sulcebe është shprehur se është e rëndësishme që për parandalimin e përhapjes së koronavirusit qytetarët një rëndësi të veçantë duhet ti kushtojnë higjenës personale dhe dizinfektimit.

Ndër të tjera nga studio e ABC News, mejku ka deklaruar se nëse një person ndien shqetësime shëndetsore në atë moment është e rëndësishme që ai të qëndrojë në shtëpi dhe të kujdeset për veten, pijet e ngrohta janë një element që secili duhet të përdore.

Sipas mjekut pacientët duhet të drejtohen në spitale vetëm në momentin që kanë shqetësime të mëdha shëndetsore duke filluar nga vështirësia në frymëmarrje që mund të marrin ndihmë nga mjekët ndërsa në lidhje me pjesën tjetër dhe në spital nuk mund të përdoret asnjë medikament tjetër specifik.

Pjesë nga biseda:

Padyshim, është një ndryshueshmeri e përgjigjes imunitare është e domosdoshme për mbijetesën e specias, Nese na dilte një deshmitar

Koronavirusi jep një vdekshmëri të paktën e 1% të atyre personave që janë të infektyuar. Sarsi ka qenë rreth 10 % vdekshmeri ndërsa kroonavirusi ka një vdekshmeri të ulët. Ndërkohë që ka patalogji të tjera që kanë një vdekshmëri më të lartë. Një sëmundje e vetë izoluar dhe duhet të themi se nuk duhet të kemi aq frikë pasi çdo gjë mund të shkohet drejt kufizimit. Nëse ne arrijmë kufizimin e popullatës për të mos jua ngjitur të tjerëve. Ne nuk mund të themi dot se shqiptarët janë imunilog. Nga pikpamja imune gjenetike mund të thuhesh se ne jemi bashkë me popullatën e Ballkanit jugor si maqedonasit dhe grekët me të cilët kemi pikëpamje të përbashkët në gene. Jemi komshi përsa i përket rezistencës. Ne Kosovë kemi pak, raste në serbi po ashtu, në Lombardi kemi shumë pak shqiptarët. Kemi popullatë të re.  Ndërsa popullatat urbane shqiptare kanë ardhur vonë nga zonat rurale dhe kanë qenë më në kontakt me këto viruse pasi këto janë vitruse që vijnë nga kafshët dhe ky nivel i lartë i popullsisë rurale e bën më imune popullsinë tonë. Ndofta nuk kemi qenë dhe aq steril sa Evropa Perëndimore dhe kjo mund të ketë dhe anët pozitive të saj duke na bërë më imun.

Ka mendime të ndryshme është ose jo grip, vetë mendimet shkencore të shkencëtare. Një miktobiolog ka thënë se ngjan më shumë me HIV.Çfarë mund të themi?

Është virus me ARN por, nuk ka lidhje me HIV, pasi kjo është komplet strukturë tjetër është një virus që është i padh nuk rri në ajër, është vetëm nga spërklat dhe kur ato bie poshtë qëndrojnë në mjedis që shkatërrohen nga nxëhtesia dhe dizifektuesit. Është një virus që fatmirësisht moshat e reja dhe fëmijët i prek shumë pak.

Çfarë do e forconte imunitetin në kushtet aktuale në mungesë të një ilaçi specifik?

Në kushtet aktuale me dizifektim, kinezët për kurim kanë përdorur antiviralë. Është një virus që nuk e duron temperaturen, përdorimin e nxehtësisë, pijet e ngrohta dhe të nxehta ju bëjnë sa më mirë. Medikamentet nuk ka ndonjë specifik pasi ka shumë pak kohë për të bërë studime, njerëzit duhet që të vëtëizolohen. Vetëm në rast se do të kemi probleme me frymëmarrjen atëherë do ju drejtohemi mjekëve. Nuk ka mjekimeve specifike, dhe mjeku do ju japë një serum një brufen një paracetamol. Shtrimi në spital për mua do të ishte i nevojshëm vetëm në rastin kur ne kemi probleme me frymëmarrjen dhe në rastim më ekstrem për të marrë ventilim. Nesë kemi dhimbje trupi është e rëndësishme që të rrimë në shtëpi e të marrim vitaminën C. Me përjashtim për këtë është për ato grupe që kanë probleme. /abcnews.al

urgjenca-drejtori.jpg
eri Ida18:09 | 10/03/2020

Drejtori i Urgjencës Kombëtare Skender Brataj është shprehur se është e rëndësishme që informacioni mbi rastet e infektuara apo të dyshuar me koronavirus duhet të jetë sa më transparent në mënyrë që të mos përhapet panik. Në studion e abcnews.al ai ka theksuar se ëstë e rëndësishme që informacioni i dhënë nga ne të jetë sa më i saktë dhe i plotë në mënyrë qëmediat të mos kenë mundësi që të shtojnë detaje mbi informacione që nuk janë zyrtare.

Gjithashtu ai ka deklaruar se thirrjet pranë 127 janë shtuar nga 1500 thirrje në 3027 thirrje menjëherë pasi janë konfirmuar dy rastet e para.

Numri ka mbërritur në 100 deri në 1100 thirrje në ditë nga 23 shkurti ku Italia u shfaq si zonë e kuqe ku u fut pjesa veriore në Itali dhe deri para dy ditësh ishte 1500 ndërsa nga konfirmimi i rasteve të para ka shkuar në 3027 thirrje në ditë. Njerëëzit për fat të mirë duket se po ndërgjegjësohen dhe po kërkon informacion. Në dispozicion të këtyre telefonatave janë vënë 16 mjek dhe 26 infermiere të cilët japin informacion në lidhje me çdo shqetësim që ka çdo qytetar. Për secilin telefonues mbahen shënimet përkatëse sipas protokollit, ku çdo person pyetet për histrikun e tij të udhëtimit”, tha doktori.


Pjesë nga biseda;

A keni personel që mund ta përballojë fluksin e telefonatave.

Ne sistem mund të përballojmë thirrjet mbi 5000 ose 5500 thirrje. Nese dita e parë pati një fluks telefonatash do të shikojmë dhe sot se sa do të shkojë numri pasi janë dhe ditët që shënojnë dhe fluksin më të madh dhe nëse është në këto shifra apo pak më shumë atëherë ne e përballojmë një situatë.

Si bëhet filtrimi i parë i personave që telefonojnë?

Marr në telefon dhe them se kam temperaturë, sekrecione, mungesë në frymëmarrje dhe hidhen tek modeli që është krijuar për koronavirusin. Tashmë e gjithë Italia është shpallur zonë e kuqe dhe një person që vjen nga një vend i tillë brenda 14 ditësh ti mund të jesh mbartës i virusit dhe pse ndoshta nuk ka asnjë shenjë. Brenda 14 ditëve duhet të bëjë vetëizolimin, ajrosje ambienti, përdorim lëngjesh, dezifenktim ambienti, larje duarsh  dhe në dispozicion është numri i yurgjencës 127. Është një punë e madhe dhe nga ana e personelit mjekësor nuk ka asnjë kundërshtim shkoj ose jo.

Në cilin moment mjekët, infermierët dhe personeli ndihmës, i thuhet se duhet bërë tamponi?

Tamponi vendoset në rrënjët e gjuhës dhe në hunde. Nëse një person do të hyjë në një vend që është i përfshirë në zonën e rrezikut, ka tempreraturë prej 2-3 ditësh një temperaturë 38 dhe mungesë frymëmarrje atëherë do të njoftohet epimedologu i zonës. Duke parë kapacitetin e marrjes së thirrjeve Italia ka vënë një numër jeshil që mundësonte dhe numrin e lartë. Dhe ne ndaj vendosëm që të vendosnim 127 pasi i kishte kapacitetet për të përballuar fluksin. Ai është bërë për një numër prej 6 milionë banorësh./abcnews.al

WhatsApp-Image-2020-03-08-at-14.50.48.jpeg
eri Ida14:57 | 08/03/2020

Zbulimet e fundit arkeologjike përmbysin datat historike për periudhen ilire. Arkeologu dhe drejtori Institutit të Arkeologjisë Luan Perzhita në një intervistë për ABC News rrëfen detaje rreth objekteve të zbuluara.

Nga ana tjetër ai shpjegon edhe ngërçin mes institutit të Arkeologjise dhe Ministrisë së Kulturës. Perzhita për herë të parë zbulon detaje rreth rikonceptimit të pavionit të prehistoris në Muzeun Historik Kombëtar.

Misteret e nëntokës shqiptare janë të mëdha, arkeologët gjithnjë janë në kërkim të dhënave të reja të cilat dalin në pah falë gërmimeve arkeologjike.

Drejtori i Institutit të Arkeologjisë, thotë se harta e kërkimeve, është e shtrirë në gjithë territorin e shqipërisë. Në 22 zona  punojnë arkeologët shqiptarë me ato të huaj. Spekteri i kërkimeve nis me prehistorine deri në periudhen e mesjetës.

Të dhëna mjaft interesante për periudhen e prehistorisë vijnë nga zona e Korçës, ku  Përmbysin edhe datat historike.

“Është fjala për një ndër sitet më të njohura në të gjithë Mesdheun, për Sovjanin që ka dhënë rezultate të jashtëzakonshme që lidhen me një datim të ri të periudhës së Neolitit. Është fjala për një ndryshim gati për një vjet, tashmë kërkimit tregojnë se kërkimet kane filluar nëshekullit të VII”, tha Perzhita

Çdo vit nga zbulimet e fundit, dalin në pah objekte me rëndësi të vecantë,  Si gjetje unike, Luan Perzhita rendit kalorsin mbi Kalë prej Bronxi.

“Kalorsi mbi Kalë një figurë bronzi një zbulim i bërë në Babunjë nga gërmimet që ne kemi bërë në këtë set arkeologjik ose siç njihet ndryshe arnisa, i takon shekullit të VII para erës sonë sipas specialistëve përbën një gjetje unikale, por ka territore të tjera muzeume shumë të njohura me objektin që ne kemi zhvilluar. Tashmë kemi një tentativë me Muzeun e Getes në SHBA për të bërë rikonstruksionin dhe restaurimin e tij”, është shprehur Luan Perzhita.

Edhe kuaotimi i tij kap shifra marramendëse.

Mbase gjys milioni euro shkon restaurimi”, tha ajo.

Në  gërmimet e kryera gjatë vitit 2019 surpriz ka shënuar edhe zona e Bushatit.

Specialisti Pershiza është shprehur një qendër urbane në periudhën e Mbretërisë Ilirre në kohën e Agronit dhe të Teutës dhe paraqiti një qendër që shkonte pak a shumë në sinkon me urbanizimin që kishte në atë kohë Lezha antike dhe Shkodra Antike, ishte një qytet i ndërmjetëm që vinte anës rrugës nga brigjet Dalmate në drejtim të Jugurt të Shqipërisë.

Luan  Perzhita  për herë të parë si pjesë e stafit të rikonceptimit të muzeut historik kombëtar zbulon detaje për pavionin  e arkeologjisë

“Do të paraqitet jo më një koman që kishte një varre në vetvete, por paraqitetej një qënder urbane siç është Shkodra, Lezha, Ulqini që ëhstë e organizuar në rrugë, lagje, me kisha, me qendra tregtare. Komani tashmë ëhstë një qytet që fillon jetën e vet që në shekullin e IV e deri në shekullin e XIV. Bashkë me Sardën një tjetër qendër në luginën e Drinit ekipi nën drejtimin e Etleva Nallbanit dhe Elvana Metalla kanë dhënë një kontribut me rëndësi në kulturën Arbërore. Falë këtyre gërmimeve tashmë kemi një kulturë tjetër arbërore nga ajo që ne kemi njohur deri në vitet 90’, ka thënë ndër të tjera ai.

Me mjaft rëndësi Rezulton edhe Komani,  i cilësuar si zemra e Arbrit.

“Në këtë ishull deri para gërmimeve njihej vetëm për një kishë tashmë njihet dhe për periudhën fundi i Bronzit dhe fillimi i hekurit që lidhet me kulturën Ilirre. Një e dhënë e re që lidhet me parë në literaturën histori dhe atë arkeologjike nuk njihej. Tashmë e dimë se kjo periudhë jete ka nisur në vitin 1250 në ishullin e Maligradit”.

Objektet e zbuluara ne koman ,  rezultojnë mjaft të vecanta kryesisht stolitë, të cilat karakterizohen nga finesa dhe rafinatura të rralla.

“Është grumbullimi më i madh tumular që kemi në Shqipëri nga Lezha deri në Shkodër. Janë tuma të mëdha me përmasa të ndryshme këto kanë një kulturë që nisin në mesin e mijëvjeçarit të dytë dhe është një protencial që duhet të vendoset në mbrojtje. Ne kemi bërë gati formularin që do ja prezantojmë në Ministrinë e Kulturës”.  

Përzhita si ekspedita te frytyshme rendit edhe ato te kryera ne ishullin e Maligradit

309  tuma Ilire  kanë dalë në dritë  në zonën e Lezhës të cilat kërkojnë mbrojtje nga shteti.

Edhe kërkimet nen ujore  ne liqenin e ohrit kanë sjell rezultate pozitive, sipas  Perzhitës

Apollonia eshte e njohur tashmë si shkolle kerkimi, pasi germimet zënë fill në këtë sit arkeologjik që në 1924 me Rein dhe Hasan Cekën.

“Apollonia është një projekt tradizcional që ka filluar që nga 1924 e vijon edhe më sot”.

Të dhënat e fundit në Orikum  përmbysin tezen e teatrit të Orikut.

“Orikumi është njohur deri më tani nga tatri por tashmë kemi një tjetër panoramë. Janë zbuluar të gjithë muret përreth dhe tani po përpiqemi që të zgjerojmë hartën për këtë”, tha Perzhita.

Për  herë të parë  në historine e arkeologjisë  shenohen emrat e dy shejtorëve që i dedikohet kishës së zbuluar në Palakastër.

“Është një pllakë që është zbuluar në hapësirën e kishës dhe ne mësuam se kujt i detikohej. Ajo i përkiste dy të shënjtëve Damianit dhe  Kozmai”.

Megjithë zbulimet e mëdha, ende nuk ekziston një laborator në Institutin e Arkeologjisë  ai mbetet  thjeshtë premtim i rrallës.

“Në tentativa për të ngritur një laborator modern ne kemi një bashkëpunim me ambasadën italiane pavcarsisht se ka kaluar afati njëherë për shkak të termetit por edhe për shkak se nuk janë gjetur materialet e nevojshme.”

Ndërkohë që Durrësi po planifikohet nga Ministria e kulturës që të kthehet në një park arkeologjik. Perzhita i bashkohet zërave kundër të arkeologëve vendas, të cilët nuk përfshihen në projektet arkeologjike apo planmenaxhime.

“Durrësi po përgatitet për tu kthyer në një park arkeologjik pasi nuk është i tillë ne tashmë do të kemi një zonë që do të përcaktohen kufinjtë që do të bëjnë pjesë. Me projektet e tjera që kanë të bëjnë me amfiteatrin apo me të trerat ato do të vijnë me teatrin”, është shprehur për ABC News specialisti Perzhita.

Në thesaret e arkeologjise që ndodhen në  bodrumet e institutit të arkeologjisë  ruhen  mni 60 mijë objekte të cilat janë rezulutat i ekspeditave në terren./abcnews.al

WhatsApp-Image-2020-03-08-at-13.09.08.jpeg
eri Ida12:52 | 08/03/2020

Në tetor Rudina Hajdari u kërcënua nga deputetët e saj se do ta shkarkonin si kryetare grupi, pasi merrte vetë të gjitha privilegjet që i takonin grupimit opozitar.

Prej tensioneve disa mujore, Hajdari vendosi të bëjë disa ndryshime, për të kënaqur rebelët. Ajo hoqi dorë nga drejtimi i Komisionit të Integrimit dhe i kërkoi Kuvendit që këtë komision ta drejtojë deputeti demokrat Halit Valteri.

Njëkohësisht propozoi që drejtues i Komisionit të Medias dhe Edukimit, të jetë Halil Jakimi.

Por cfarë eksperience të mëparshme kanë këta persona? Të dy janë bërë deputetë pasi opozita dogji mandatet.

Halit Valteri synon të drejtojë Komisionin e Integrimit, i cili, përpara Hajdarit është drejtuar nga Genc Pollo apo Majlinda Bregu. CV e tij është thuajse e zbrazët. Ai ka shënuar me shkrim dore se ka kryer arsimin e lartë, por pa sqaruar profilin, ndërsa tek eksperienca në punë, vetëm ka thënë se ka qenë administrator në sektorin privat, por edhe këtu nuk ka detaje për kohëzgjatjen e këtij angazhimi apo sektorin në të cilin ka vepruar.

Halit Valteri nuk ka harruar të shënojë se ka qenë kryetar i forumit rinor demokrat në njësinë bashkiake nr 7 në Tiranë. Nga ky përshkrim i jetës së tij, Valteri nuk ka asnjë pikëprerje as në arsimim e as në punë me fushën e integrimit apo marrëdhënieve ndërkombëtare.

Situata nuk është ndryshe as për kandidatit për kryetar të Komisionit të Edukimit dhe Medias, Halil Jakimi. Deputeti i Dibrës, ka deklaruar një arsim të lartë por pa dhënë detaje, si dhe ka shënuar se ka qenë veprimtar i PD-së.

Eksperiencat e tij në punë kanë qenë si këshilltar bashkiak në Bulqizë, drejtues i zyrës së ndihmës ekonomike në një ish komunë, si dhe oficer kredie për pak kohë në një fondacion.

As Jakimi, nuk ka ndonjë kualifikim as në fushën e Arsimit, as në të Medias ku dëshiron të drejtojë punën parlamentare.

Këto kërkesa të Hajdarit do të shqyrtohen të hënën në Konferencën e Kryetarëve, dhe vendimet do të merren në seancën e ardhshme parlamentare./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono