Ditën e sotme do të zhvillohen dhe 2 ndeshjet e fundit të javës së 23-të, të Kampionatit shqiptar të futbollit, ku më konkretisht në orën 17:00, Tirana do të presë në kryeqytet, bregdetarët e Teutës, ndërsa Vllaznia do të presë në “Loro Boriçi”, krutanët e Kastriotit.
Teuta vjen në transfertën e vështirë ndaj “bardhebluve”, pas një serie prej 4 ndeshjes pa humbje, ku 3 prej tyre janë në kampionat dhe do kërkojnë në kryeqytet, shkëputjen nga zona e ftohtë e tabelës.
Në krahun tjetër, krutanët e Kastriotit nisen drejt Shkodrës, si të fundit e tabelës teksa kanë arritur të grumbullojnë vetëm 20 pikë, në 22 javë të kampionatit e mesa duket “kuqeblutë” e Shkodrës kanë rastin për të shkurtuar diferencën mes tyre dhe Tiranës së vendit të parë. /i.m /abcnews.al
