Loading ...
Të paktën gjashtë persona në bordin e një helikopteri ushtarak të Katarit kanë humbur jetën në një aksident ajror, ndërsa një tjetër është ende i zhdukur.
Helikopteri u rrëzua gjatë një detyre rutinë si pasojë e një mosfunksionimi teknik, në ujërat territoriale të vendit.
Ministria e Mbrojtjes e Katarit tha se të vdekurit përfshinin tre nga forca ushtarake e Katarit dhe tre shtetas turq, përfshirë një oficer ushtarak dhe dy civilë. Një pilot i Katarit mbetet i zhdukur.
Katari është përballur me sulme të përsëritura që kur Shtetet e Bashkuara dhe Izraeli nisën një sulm të përbashkët ndaj Iranit më 28 shkurt dhe ka rrezuar qindra dronë dhe raketa iraniane.
Sulmet iraniane në fillim të kësaj jave goditën në Qytetin Industrial Ras Laffan, objekti kryesor i gazit natyror në vend.
