Eksperti i kriminalogjisë, Ervin karamuço, ka bërë një deklaratë të bujshme mbrëmjen e së premtes në emisionin “Log.” në Abc të gazetarit Endri Xhafo, ku po diskutohej situata në veri të Kosovës.
Karamuço deklaroi se situata është mjaft e tensionuar, dhe e tillë ka qenë gjatë gjithë kohës, edhe pse aty ndodhen forcat e KFOR.
Ai deklaroi se gjatë periudhës së paqes në Kosovë janë vrarë 200 ushtarë të KFOR, dhe pjesa më e madhe e tyre e kanë humbur jetën në veri të Kosovës, pikërisht aty ku sot ëhstë situata më e tensionuar.
Pjesë nga biseda:
Karamuço: Janë 200 të vrarë nga ana e KFOR në kohë paqeje.
Karadaku: Kush i ka vrarë 200 anëtarët e KFOR?
Karamuço: Janë aty brenda territorit.
Spahiu: Nesër ambasadori britanik fton në një ceremoni përkujtimore për 200 ushtarakët e vrarë të KFOR në kohë paqeje.
Karamuço: 60 veta janë vrarë nga rrëzimi i një avioni sllovak, pjesa tjetër janë vrarë në Kosovë, shumica në veri të Kosovës.
/Abcnews.al/
