Frika për një përshkallëzim të konfliktit në Lindjen e Mesme është në rritje, mes kërcënimeve se Irani po përgatitet për sulme hakmarrëse ndaj Izraelit.
Televizioni shtetëror iranian ka konfirmuar se forcat e Republikës Islamike kanë “kapur” një anije mallrash në ngushticën e Hormuzit, duke nxitur menjëherë reagimin e Izraelit.
“Irani do të vuajë pasojat për përshkallëzimin e mëtejshëm të situates. Ne kemi rritur gatishmërinë tonë për të mbrojtur Izraelin nga agresioni i mëtejshëm iranian.
Dhe jemi të përgatitur për t’iu kundërpërgjigjur”, tha zëdhënësi i ushtrisë izraelite Daniel Hagari.
“Iran will bear the consequences for choosing to escalate the situation any further.”
Watch IDF Spokesperson RAdm. Daniel Hagari’s statement regarding Iranian involvement in the war and its effect on the Middle East: pic.twitter.com/AdaJB2WtJd
— Israel Defense Forces (@IDF) April 13, 2024
“Irani është sponsori më i madh shtetëror i terrorizmit. Rrjeti terrorist kërcënon jo vetëm popullin e Izraelit, Gazës, Libanit dhe Sirisë. Ky rrjet financon edhe luftën në Ukrainë”, shtoi Hagari.
Wall Street Journal raporton se Shtetet e Bashkuara kanë vendosur anije luftarake në pozicione për të mbrojtur jo vetëm Izraelin, por forcat e veta në Lindjen e Mesme, mes shqetësimeve në rritje se Irani mund të nisë një sulm të drejtpërdrejtë ndaj shtetit hebre.
/abcnews.al
