Kapiteni i Liverpool, Jordan Henderson është në negociata me klubin për zgjatjen e kontratës, por ditët e fundit nuk kanë qenë aspak produktive.
The Athletic bën me dije se klubi dhe agjentët e lojtarit janë shumë larg pretendimeve dhe ofertës dhe rinovimi tashmë është një çështje thuajse e paarritshme.
Kontrata e kapitenit përfundon në verën e vitit 2023. Liverpool nuk ka në plan të përsërisë një situatë si ajo e Wijnaldum dhe e ka nxjerrë në shitje Henderson.
Për të interesohet shumë PSG sepse trajneri Pochettino e pëlqen shumë lojtarin, por edhe Atletico Madrid është gati të ndërhyjë për një transferim të mundshëm. /abcnews.al
