Një 26 vjeçar është arrestuar në vendin e quajtur “Rotondo e Savrës”, gjatë orëve të natës në Lushnjë. Në pranga ka rënë Darvisjano Doku, banues në Shijak. Sipas policisë nga kontrolli i ushtruar në mjetin tip “Renault”, u gjetën dhe sekuestruan dy qese me lëndë narkotike e dyshuar Kokainë me peshë rreth 103 gramë.
Njoftimi i Policisë Lushnjë
Në vijim të planit të masave të hartuar për “Kontrollin e territorit, parandalimin e ngjarjeve kriminale dhe kapjen e autorëve të ndryshëm të veprave penale”, nga shërbimet e policisë në Komisariatin e Lushnjes në bashkëpunim me Seksionin e Narkotikëve në DVP Fier, u bë i mundur finalizimi i operacionit të koduar “Kristali”.
Si rezultat i këtij operacioni u bë arrestimi në flagrancë i shtetasit:
- Darvisjano Doku, 26 vjeç, banues në Shijak.
Arrestimi i këtij shtetadi u bë pasi në vëndin e quajtur “Rotondo e Savrës” Lushnje, gjatë orëve të natës, nga kontrolli i ushtruar në mjetin tip “Renault”, u gjetën dy qese me lëndë narkotike e dyshuar Kokainë me peshë totale rreth 103 gramë e cila u sekuestrua në cilësinë e provës materiale.
Materialet i kaluan Prokurorisë pranë Gjykatës së Shkallës së Parë Lushnje për veprën penale “Prodhimi dhe shitja e narkotikëve” parashikuar nga Neni 283/1 i Kodit Penal. /abcnews.al
