Policia spanjolle njoftoi të premten sekuestrimin e afro 9.5 tonëve kokainë me origjinë nga Ekuadori, duke shënuar ngarkesën më të madhe të kapur ndonjëherë në vend. Droga u kap të mërkurën në portin e Algeciras dhe përbën dërgesën më të madhe të kokainës të zbuluar në Spanjë deri më sot.
9,436 kilogramë u gjetën të fshehura në arka me banane në një enë frigoriferike, shpjeguan autoritetet. Ky operacion është një “goditje e paprecedentë ndaj një prej organizatave më të mëdha kriminale, në nivel global, në trafikun e kokainës, marrës të së cilës ishin rrjetet kryesore kriminale në Europë”.
?Histórica operación antidroga en el Puerto de #Algeciras
?El mayor alijo de #cocaína intervenido nunca en España
?9,5 toneladas ocultas en cajas de bananas dentro de un contenedor marítimo procedente de #Ecuador #SomosTuPolicía pic.twitter.com/NrClE0Q0GZ
— Policía Nacional (@policia) August 25, 2023
Në këtë dërgesë u gjetën logot e mbi 30 organizatave kriminale evropiane. Organizata përgjegjëse për këtë transport mund të dërgonte 40 kontejnerë në muaj në Evropë dhe kishte një rrjet të gjerë tregtar për dërgimin e kontejnerëve nga Ekuadori në Spanjë”, duke përdorur gjithashtu portin e Vigos.
Policia nuk ka njoftuar për të arrestuar gjatë këtij operacioni./abcnews.al
