Loading ...
TIRANË– Vihen në pranga 8 persona në kryeqytet, për vepra të ndryshme penale. Një 51 vjeçar është arrestuar për ushtrim dhune ndaj gruas dhe keqtrajtim të djalit të tij të mitur.
“Specialistët për Hetimin e Krimeve në Komisariatin e Policisë Nr. 1 bënë arrestimin në flagrancë të shtetasit A. Q., 51 vjeç, pasi ka ushtruar dhunë fizike dhe psikologjike ndaj bashkëshortes dhe ka keqtrajtuar djalin e tyre të mitur”, raporton policia.
2 të tjerë janë arrestuar për vjedhje dhe për prodhim dhe mbajtje pa leje të armëve.
“Nga specialistët për Hetimin e Krimeve në Komisariatin e Policisë Nr. 3 u bë ekzekutimi i vendimit për ndalimin e shtetasit në kërkim N. Z., 49 vjeç, pasi Gjykata e Shkallës së Parë Tiranë i ka caktuar masën e sigurisë në mungesë “Arrest në burg”, për veprën penale ”Vjedhja”. Nga specialistët për Hetimin e Krimeve në Komisariatin e Policisë Nr. 5 u bë ekzekutimi i vendimit për ndalimin e shtetasit në kërkim A. I. (K)., 31 vjeç, pasi Gjykata e Shkallës së Parë Tiranë i ka caktuar masën e sigurisë “Arrest në burg”, për veprën penale ”Mbajtja pa leje dhe prodhimi i armëve, armëve shpërthyese dhe i municionit”.
Specialistët e Qarkullimit Rrugor bënë arrestimin në flagrancë të shtetasve:
- – V. M., 39 vjeçe, pasi duke drejtuar mjetin, ka aksidentuar këmbësorin, shtetasin E. B., 27 vjeç;
- – A. B., 32 vjeç dhe E. M., 36 vjeç, pasi u kapën duke drejtuar mjetet përkatëse, në gjendje të dehur;
- – K. M., 18 vjeç, pasi u kap duke drejtuar mjetin, pa leje drejtimi.
- – R. P., 54 vjeç, pasi duke drejtuar motomjetin, në gjendje të dehur, është përplasur me mjetin me drejtues shtetasin S. V.
Një 74 vjeçar ka denoncuar zhdukjen e djalit. “Më datë 19.12.2021, shtetasi S. E., 74 vjeç, ka kallëzuar se para një jave është larguar nga banesa dhe nuk është kthyer më djali i tij, shtetasi R. E., 42 vjeç, i cili vuan nga probleme të shëndetit mendor“, raporton policia.
Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme procedurale. /abcnews.al
