Në ditët e fundit të vitit qyteti i Beratit po përballet me një kaos automjetesh. Fluksi është shtuar edhe nga ardhja e emigrantëve. Drejtuesit e mjeteve thonë se mbeten të bllokuar në trafik dhe sipas tyre policia nuk ndihmon në lehtësimin e qarkullimit rrugor.
Të përshkosh rrugën kryesore të qytetit të Beratit në këto ditë të fund vitit, është një sfidë më vete. Mjetet bllokohen në trafik për orë të tëra. Ardhja e emigrantëve ka vështirësuar qarkullimin në orët e paradites dhe në orët e drekës.
Zona më problematike është tek vendi i quajtur “Kthesa e gjykatës”. Pakënaqësinë për kaosin e shprehin edhe drejtuesit e mjeteve.
“Edhe semaforët mungojnë, edhe shtimi i makinave, edhe policia nuk është në lartësinë e duhur. Edhe populli gabon, flet vend e pavend”.
Disa prej tyre mirëkuptojnë situatën.
“Duke patur parasysh fluksin që vjen nga jashtë nuk ka pse shqetësohet njeri”.
Mungesa e një unaze në Berat bën që të gjitha mjetet që hyjne dhe dalin nga qyteti të përdorin një rrugë të vetme duke bllokuar herë pas here lëvizjen e udhëtarëve. /abcnews.al
