Marcos Alonso provoi për herë të parë emocionet e fitimit të Champions League mbrëmjen e kaluar. Anësori i majtë spanjoll festoi gjatë me shokët e tij pas triumfit 1-0 ndaj Manchester City. Goli i Kai Havertz riktheu “Blutë e Londrës” në majë të Evropës pas 9 vitesh.
Një arritje e madhe për lojtarin spanjoll, i cili është futur në historinë e këtij kompeticioni, duke ia dalë të fitojë trofeun e madh njësoj si gjyshi i tij. Opta raporton se është hera e parë që nipi i një futbollisti që ka fituar më parë Champions, ia del të përsërisë suksesin e gjyshit.
Marquitos ishte pjesë e Real Madrid të famshëm dhe ai fitoi plot pesë herë Champions League (1956-1960). Tani ia doli edhe Marcos të ngjitej në majën e Evropës, duke bërë krenar shumë gjyshin e tij. /abcnews.al
