Një Greqi është goditur një tjetër rast i trafikimit të drogës Shqipëri-Greqi-Turqi. Mediat greke raportojnë se është kapur 1.2 ton drogë në Athinë.
Në pranga kanë rënë një çift . Operacioni është zhvilluar të shtunën, ndërsa sipas mediave fqinje droga ka kaluar nga Shqipëria me një rulotë në pikën kufitare të Qafë-Botës, duke hyrë në Greqi dhe duke vazhduar udhëtimin.
Ka qenë anti-droga e Igumenicës, në bashkëpunim me atë të Athinës, që ka ndaluar rulotën në kryeqytetin grek, ku gjatë kontrollit është zbuluar sasia e madhe e drogës, përkatësisht 1 ton e 145 kg marijuanë, 4 kg e 68 gram hashash çokollatë, si dhe 918 gram vaj hashashi.
Vlera e drogës kap shifrën 1 milionë e 730 mijë euro. Në pranga kanë rënë dy drejtuesit e rulotës, përkatësisht burrë e grua, shtetas italianë. Çifti italian udhëtonte shpesh drejt Turqisë, ndërsa ishin të deklaruar me vendbanim në Gjermani. Ndërkohë është shpallur në kërkim edhe një person tjetër një boshnjak, i cili dyshohet se është “koka” e trafikut. /abcnews.al
