Romelu Lukaku duket afër bashkimit me Juventusin, me skuadrën italiane të përgatitur për të bërë një ofertë shtesë prej 37.5 milionë euro plus 2.5 milionë euro për të nënshkruar me 30-vjeçarin nëse shesin Dusan Vlahovic.
Inter thuhet se është tërhequr nga negociatat kur mësoi se belgu po shqyrton edhe ofertën e Juventusit.
Në vitin 2021, sulmuesi premtoi se nuk do të nënshkruante kurrë për Zonjën e Vjetër.
“Nëse Juventusi ose Milan do të më thërrasin në të ardhmen? Kurrë, kurrë”, tha ai në një intervistë për Sky Italia në atë kohë.
“Përsëri, kurrë. Nuk do të ndodhë kurrë.
“Juventusi më donte para Interit, por kur Conte iu bashkua Interit, ishte prioriteti im të bashkohesha me ta. Në Itali, ka vetëm Inter për mua”. /G.D abcnews.al/
