Sukadra e Premier League, Newcastle thuhet se është pas Kvaratskhelia e Napolit. Talenti i skuadrës italiane është duke magjepsur me performancën e tij dhe kështu, klubi i cili është në ndërtim e sipër, ka gati ofertën për të.
Sipas “The Times”, Newcastle ka planifikuar të ofrojë rreth 50 milionë paund. Anësori 21-vjeçar ka magjepsur fansat në Itali dhe në Evropë me talentin e tij.
Gjeorgjiani ka fituar edhe pseudonimin “Kvaradona”, në lidhje me legjendën e klubit Diego Maradona. Kvaratskhelia iu bashkua Napolit në verë nga skuadra gjeorgjiane Dinamo Batumi për 10 milionë paund, por tashmë mund të thuhet se vlera e tij është rritur rreth pesëfish.
Deri më tani për Napolin, gjeorgjiani ka 17 ndeshje, 8 gola dhe 10 asistime./ h.ll/abcnews.al
