Sulmuesi i Atalantës, Duvan Zapata, vazhdon të jetë në merkato. Kolumbiani ka shkëlqyer në dy sezonet e fundit me bergamaskët dhe i ka ndihmuar ata të arrinin deri në çerekfinalet e Champions League. Klubi italian ka vendosur një çmim për këdo që kërkon shërbimet e tij.
Në fakt janë disa klube në garë. Sipas raportimit të “La Gazzetta dello Sport”, drejtuesit e Atalantës e shesin për 55 milion euro për Zapatën. Ai pëlqehet nga klube si Juventus, Barcelona, Atletico Madrid si dhe nga dy klube të Premier League.
“Zonja e Vjetër” ka disa kohë që po e monitoron situatën e 29-vjeçarit. Ndërsa ekipet spanjolle e kërkojnë për të zëvendësuar sulmuesit e tyre që me shumë mundësi do të largohen këtë merkato, respektivisht Luis Suarez dhe Diego Costa. Të njëjtë gjë kërkojnë dhe dy klubet angleze, që nuk u është zbuluar ende emri. /abcnews.al
