Andrea Pirlo kërkon të ndërtojë një staf me miqtë e tij te Juventusi. Sigurisht, ata që do t’ ketë në krah i kanë treguar aftësitë e tyre, duke drejtuar disa skuadra pasi e kanë mbyllur me futbollin e luajtur.
I pari që u lakua është Igor Tudor, trajneri i Hajduk Split në Kroaci. Një ditë më parë ai mbylli bashkëpunimin me kroatët dhe është i lirë. Ish-lojtari i Juventusit me shumë mundësi do të bashkohet me bardhezinjtë.
Emri më i bujshëm për të qenë krah Pirlos është ai i Alessandro Nesta. Ish-mbrojtësi ishte në krye të Frosinone dhe shkoi deri në finalen e play-off për t’u ngjitur në Serie A, por u mposht nga Spezia. Më parë ai ka drejtuar Miami FC dhe Perugia në Serie B.
Corriere dello Sport raporton se Nesta është një nga kandidatët për t’iu bashkuar Juventusin, në stafin e Pirlos. Të dy së bashku kanë qenë pjesë e Milanit, si dhe e Italisë që fitoi Botërorin e vitit 2006. /abncews.al
