Jorida Tabaku “kritika” Kuvendit: Integrimin evropian duhet ta kishte prioritetin kryesor

schedule12:34 - 21 Mars, 2024

schedule 12:34 - 21 Mars, 2024

TIRANË– Deputetja e Partisë Demokratike, Jorida Tabaku duke diskutuar për buxhetin e vitit 2024, u shpreh se nuk ka parë strategji të mirëfillta nga ana e mazhorancës, të cilat do ta përkthenin numrin në rritje të vizitorëve në rritje të ekonomisë së Shqipërisë.

Ajo vuri theksin tek procesi i integrimit evropian, ndërsa “kritikoi” parlamentin, që sipas saj ka dështuar ta kishte këtë çështje në kryeagjendën e vet.

Sipas Tabakut, Kuvendi i Shqipërisë duhet të miratojë ligje, që përmbushin frymën dhe standardet evropiane.

“Nuk kam dëgjuar në këtë buxhet as strategji për zhvillimin e turizmit. Shqipëria duhet t’i pararend zhvillimit të turizmit, pasi numri i vizitorëve po rritet çështë e vërteta, por nuk po reflektohet në ekonomi.  Sot më 21 mars, zhvillohet seancë në Komisionin Evropian dhe Shqipëria nuk është në agjendë. E kemi humbur mundësinë që të hapim negociatat. E humbën mundësinë ta kishim integrimin prioritet të agjendës. Çdo ligj që miratohet në Kuvend duhet të këtë frymën dhe standardet që ka Bashkimi Evropian”, theksoi Tabaku./ abcnews.al

Mos rri jashtë: bashkohu me ABC News. Ne jemi kudo!