Jennifer Aniston ka përcjellë një mesazh të rëndësishëm përmes një postimi që ka bërë së fundmi në Instagram. Aktorja ka bërë publike historinë e një miku të saj, që pak kohë më parë u prek nga koronavirusi, të cilit iu desh të shtrohej në spital për disa ditë në gjendje të rëndë.
Ajo shton se fotoja e mikut të saj teksa po lufton me vdekjen është shkrepur në fillim të Prillit, ndërsa bën thirrje që çdokush të ndërgjegjësohet pasi virusi nuk kursen askënd. Jennifer ka postuar gjithashtu edhe një foto ku shfaqet së bashku me Courteney Cox ku mbajnë të dyja maska, ndërsa bën thirrje që të gjithë të përdorin maskat për të mbrojtur veten dhe të tjerët.
“Ky është shoku ynë Kevin. Shumë i shëndetshëm, nuk ka asnjë sëmundje tjetër bashkëshoqëruese. Ky është Covid, është real. Nuk mund të jemi kaq naiv sa të mendojmë se mund ta sfidojmë… nëse duam që kjo gjendje të mbarojë, ne mund ta bëjmë apo jo? Hapi i vetëm që mund të ndërmarrim është mbajtja e një maske.
Thjesht mendoni për ata që kanë vuajtur nga ky virus i tmerrshëm. Bëjeni për familjen tuaj. Dhe më së shumti për veten tuaj. Covid i prek të gjitha moshat. P.S. kjo foto është shkrepur në fillim të prillit. Falë Zotit ai është rikuperuar tani. Faleminderit të gjithëve për lutjet tuaja”, shkruan aktorja. /abcenews.al/
