Japonia synon që të eliminojë krejtësisht automjetet me benzinë në 15 vitet e ardhshme.
Lajmin e ka bërë të ditur qeveria japoneze ditën e sotme, duke theksuar që në këtë mënyrë të gjenerojnë afër 2 trilion dollarë në vit në rritje të politikave të gjelbra deri në vitin 2050.
Sipas Reuters, “Strategjia për rritjen e gjelbër” ka për synim të prekë industrinë e hidrogjenit dhe të automjeteve me qëllimin që deri në gjysmë të shekullit 21 të ketë zero emetim të gazrave, një premtim ky i muajit tetor i kryeministrit Yoshihide Suga.
“Qeveria ka vendosur objektiva ambicioze për të arritur neutralizimin e karbonit deri më 2050”, u shpreh Yukari Takamura, profesor në Universitetin e Tokios. l.k/abcnews.al
