Trupat izraelite kanë zgjeruar operacionin e tyre tokësor në Rripin jugor dhe verior të Gazës dhe janë përfshirë në beteja të ashpra gjatë fundjavës. Kështu u shpreh në një konferencë shtypi të shtunën zëdhënësi i Forcave të Mbrojtjes të Izraelit, Daniel Hagari.
Hagari tha se forcat tokësore kanë shkatërruar dhe kapur armë dhe infrastrukturë nëntokësore nga Hamasi, duke përfshirë mijëra pajisje shpërthyese, raketa antitank dhe raketa, shkruan CNN.
IDF po i bazon operacionet e saj pjesërisht në informacionin e marrë duke arrestuar dhe marrë në pyetje shumë “terroristë të Hamasit”, tha Hagari.
Ai deklaroi se kthimi i pengjeve të mbetura të mbajtura në Gaza mbetet një objektiv kryesor i ofensivës tokësore.
“Ne po bëjmë gjithçka që mundemi me vendosmëri të madhe për të rikthyer pengjet,” u tha Hagari gazetarëve./abcnews.al
