Tanket izraelite kanë bllokuar rrugën kryesore që ndan lindjen dhe perëndimin e Rafahut, duke rrethuar efektivisht të gjithë lindjen e Gazës.
Sipas banorëve, gjatë gjithë kohës në atë pjesë ka luftime intensive midis forcave izraelite dhe militantëve të Hamasit dhe ISIS-it, shkruan Reuters.
Edhe pse Izraeli ka urdhëruar civilët të largohen nga qyteti i jugut të Gazës, duke detyruar kështu dhjetëra mijëra njerëz të kërkojnë strehim në një vend tjetër, atje ende gjendet një numër i madh i civilëve.
Pas shumë paralajmërimeve nga SHBA-ja si aleati kryesor i tij, Izraeli përsëri këmbëngul të vazhdojë sulmet në Rafah për të eliminuar mijëra luftëtarë të Hamasit që beson se strehohen atje./abcnews.al
