Ministri izraelit i Mbrojtjes, Yoav Gallant ka mbështetur një marrëveshje për lirimin e robërve në fazën e parë të marrëveshjes së armëpushimit të Gazës, duke thënë se kjo do t’i jepte Izraelit një “mundësi strategjike” për të adresuar sfidat e tjera të sigurisë.
“Sjellja e robërve në shtëpi është “gjëja e duhur për të bërë”, u tha Gallant gazetarëve, shkruan Al Jazeera.
“Arritja e një marrëveshjeje është gjithashtu një mundësi strategjike që na jep një shans të lartë për të ndryshuar situatën e sigurisë në të gjitha frontet,” shtoi ai.
Gallant së fundmi lëshoi kritika të ashpra ndaj kryeministrit Benjamin Netanyahu, duke thënë se vendimi i tij për t’i dhënë përparësi qëndrimit në Korridorin e Filadelfit në vend të arritjes së një marrëveshjeje po vinte me çmimin e jetës së robërve./abcnews.al
