Zëdhënësi i Forcave të Mbrojtjes të Izraelit, Daniel Hagari, deklaroi lufta kundër Hamasit mund të vazhdojë gjatë gjithë vitit 2024.
“Sonte fillon viti 2024. Objektivat e luftës kërkojnë luftime të zgjatura dhe ne po përgatitemi në përputhje me rrethanat. Ne po planifikojmë me mençuri menaxhimin e forcave që veprojnë në terren, duke parë sistemin rezervë, ekonominë, forcat freskuese dhe vazhdimin e proceseve të stërvitjes luftarake në IDF”, tha ai, shkruan The Guardian.
Pasi njoftoi se disa rezervistë që u thirrën për t’iu bashkuar luftës së Izraelit në Gaza do të ktheheshin në familjet dhe punët e tyre këtë javë – Hagari shtoi: “Këto përshtatje janë krijuar për të siguruar planifikimin dhe përgatitjen për vazhdimin e vitit 2024, pasi IDF duhet të planifikojë përpara, duke kuptuar se do të na kërkohet për detyra shtesë dhe luftë gjatë gjithë këtij viti.”
Kryeministri Benjamin Netanyahu u shpreh më herët se lufta do të vazhdojë edhe për “shumë muaj të tjerë” dhe se Izraeli do të marrë kontrollin e pjesës së Gazës të kufirit me Egjiptin./abcnews.al
