Kabineti i luftës së Izraelit ka miratuar dërgimin e dy kamionëve me karburant në ditë në Gaza për të ndihmuar në plotësimin e nevojave të OKB-së, sipas një zyrtari izraelit.
Zyrtari, i cili nuk pranoi të identifikohej, tha se karburanti do të japë mbështetje “minimale” për sistemet e ujërave të zeza dhe sanitare në Gaza për të parandaluar përhapjen e pandemive.
Vendimi erdhi pas një kërkese nga Uashingtoni, tha zyrtari.
Ndërprerja e rrjetit të komunikimit, e shkaktuar nga mungesa e karburantit, ka paralizuar koordinimin e ndihmave, me përpjekjet e dërgimit tashmë të vështira për shkak të mungesës së karburantit.
Organizata Botërore e Shëndetësisë ka thënë se është “jashtëzakonisht e shqetësuar” për përhapjen e sëmundjes në Gaza, me afrimin e dimrit që pritet të përkeqësojë kushtet.
Ndërkohë, Human Rights Watch ka thënë se mungesa e qasjes në ujë të pastër nënkupton se sëmundjet infektive që vijnë nga uji, si kolera dhe tifoja, së shpejti do të fillojnë të përhapen.
/abcnews.al
