Ushtria siriane pretendon se Izraeli ka goditur zonën përreth kryeqytetit të saj në një seri sulmesh ajrore. Sipas deklaratës raketat u hodhën nga lartësitë e Golanit në periferi të qytetit, por nuk u raportuan viktima.
Ushtria izraelite ende nuk ka komentuar mbi këto raporte, por Forcat e Mbrojtjes të Izraelit thanë se kishin goditur objektiva në Liban.
“Një tank i IDF-së goditi një bazë ushtarake që i përkiste organizatës terroriste Hezbollah”, thuhet në një deklaratë.
IDF tha se kreu gjithashtu sulme në përgjigje të “një numri sulmesh nga Libani” drejt zonave të Netu’a, Zar’it dhe Yiftah.
Të dy raportet siriane dhe izraelite janë të paverifikuara.
/abcnews.al
