Loading ...
Ministri i Mbrojtjes i Izraelit, Israel Katz, ka njoftuar të premten se përpjekjet e Izraelit për ta çarmatosur plotësisht Hezbollahun në jug të Libanit nuk kanë përfunduar.
Katz tha se Izraeli do të vazhdojë t’i mbajë të gjitha pozicionet ku ndodhet aktualisht, përfshirë një zonë prej rreth 10 kilometrash brenda Libanit jugor, përgjatë kufirit me Izraelin.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju.
Ai shtoi se të gjitha shtëpitë në këtë zonë do të shkatërrohen dhe banorët libanezë nuk do të lejohen të kthehen.
Sipas tij, edhe pjesa tjetër e territorit të Libanit në jug të lumit Litani duhet të pastrohet nga prania e Hezbollahut, qoftë përmes zgjidhjeve diplomatike ose përmes operacioneve ushtarake të vazhdueshme.
Që nga fillimi i luftës mes Izraelit dhe Hezbollahut më 2 mars, të paktën 2.167 libanezë janë vrarë si pasojë e sulmeve izraelite.
Një armëpushim 10-ditor i shpallur nga presidenti amerikan, Donald Trump, dhe i pranuar nga Libani e Izraeli, është respektuar të premten, duke dhënë shpresë për zgjatjen e tij dhe për përpjekje diplomatike më të gjera mes Iranit, Shteteve të Bashkuara dhe Izraelit.
