“Hamasi nuk është më nën kontroll në pjesë të mëdha të Rripit të Gazës”. Kështu deklaroi anëtari i kabinetit të luftës izraelite Benny Gantz.
“Sot, nuk ka një sundim efektiv të Hamasit në një pjesë të madhe të Rripit të Gazës,” tha Gantz gjatë një konference për shtyp në Tel Aviv të mërkurën, shkruan CNN.
“Institucionet publike janë shkatërruar. Ajo nuk ofron shërbime arsimore apo mjekësore përveçse nëpërmjet organizatave ndërkombëtare.”, theksoi ai.
Ai përsëriti gjithashtu rëndësinë e kthimit të të gjithë pengjeve të rrëmbyer në sulmin e 7 tetorit, duke thënë se ky është prioriteti në çdo vendim luftarak. “Nëse ndonjë nga të rrëmbyerit po na shikon tani, është e rëndësishme që ju ta dini – ne po bëjmë gjithçka që ju të ktheheni te të dashurit tuaj, të cilët nuk pushojnë kurrë së luftuari për ju,” shtoi Gantz./abcnews.al
