Iu vu flaka, Prokuroria sekuestron zyrën e noterit të arrestuar, dosjet që i “shpëtuan” zjarrit

Pasi u përfshi në flakë, Prokuroria e Sarandës ka vendosur në sekuestro zyrën e noterit Aleko Anagnosti, i arrestuar për tjetërsim pronash në Sarandë.

Anagnosti ndodhet ne paraburgimin e Sarandes me masë “Arrest në burg” 45 ditë për shpërdorim detyre, pasi u arrestua së bashku me Pandi Zhongen, Drejtor i Urbanistikes në bashki, Rovena Alikajn, juriste në ASHK, Arhondia Caraj, përfituese trualli dhe Valter Llomi, përfitues trualli.

Arrestimet e tyre janë bërë urdhër të Prokurorisë së Sarandës, e cila pas hetimeve zbuloi se këta persona kanë tjetërsuar 10 mijë metër katror tokë shtetërorë që ishte lulishte në Sarandë.

Lexo edhe: U arrestua për tjetërsim pronash, digjet zyra e noterit në Sarandë

Ende nuk janë identifikuar personat e maskuar që i kanë vënë flakën zyrës. Raportohet se brenda noterisë së Anagnostit ndodheshin edhe dokumentet e ish-noterit Artan Lulaj, i cili më vonë ushtroi detyrën e Prokurorit në Tiranë.

Lexo edhe: Zjarri në zyrën e noterit të arrestuar në Sarandë, brenda ndodheshin dosjet e ish-prokurorit të Tiranës

Gjithashtu janë gjetur dhe një pjesë e dokumentacionit të ish-noteres Ermioni Gjoka, bashkëshortja e ish-Kryetarit të Bashkisë Sarandë, Edmond Gjoka, në vitet 2003-2011.

/abcnews.al