Mjeku Edmond Breshanaj ka folur për vasjen e djalit të tij në derë të shtëpisë në Vlorë katër ditë më parë. Ai tha se ka qenë 24 orë në punë dhe nuk kishte folur me djalin ditën kur ndodhi ngjarja e rëndë. I tronditur nga ngjarja ai tregoi edhe momentin kur bashkëshortja e ka gjetur djalin të mbuluar në gjak.
Mjeku shprehet se djali nuk ka pasur konflikte të mëparshme dhe se ka qenë njëri jo problematik duke kërkuar të zbardhet sa më shpejt shkaku i vrasjes së tij.
Ndalur tek pista kryesore e hetimit, që është e shkuara e djalit në Belgjikë, mjeku tha se i biri atje kishte punuar në një bar dhe shpesh herë kishte qëndruar pa punë duke kërkuar para nga familja.
“U dëgjuan krisma pas shtëpisë time. Atëherë marrë në telefon djalin dhe nuk përgjigjej asksush. I them nuses dil hap portëb. Ajo gjen djalin të shtrirë të mbytur në gjak. I them policisë më kanë vrarë djalin. Shkoj tek shtëpia dhe e gjej djalin të mbuluar në gjak dhe nusen mbi fëmijë. Ai ka qenë bashkë me shokun e tij. Më thanë se e goditi nga larg dhe më pastaj nga afër.
Shoku kishte reaguar, kishte thënë mos çfarë bën. Më ka ardhur si e papritur. Nuk di që djali të ketë bërë ndonjë kërcënim ose të ketë pasur ndonjë hesap. Ai nuk ishte i armatosur. Nuk di të ketë marrëdhënie me ndonjë njeri që ta penalizojë. Pretendimin e kam që të gjendet shkaku se kush ma ka vrarë djalin. Ai ishte i rregullt dhe pa precedentë penalë. Nuk kishte arsye dhe nuk ka pse ia merr njeri jetën.
Ka pasur kamera sigurie gjatë gjithë rrugës. Më kanë pyetur që në momentin e parë dhe tani të studiojnë telefonin se me kë komunikon dhe të shohin kamerat. Unë atë ditë nuk kam folur se kam qenë 24 orë në punë dhe nuk e mendoja se do ndodhte kjo. Shteti nuk duhet të tërhiqet sepse janë shumë eleminime që janë bërë dhe kanë ngelur në heshtje. Në Belgjikë ka punuar në një bar, kë qëndruar edhe pa punë.
E kam mbështetur unë. Ai erdhi me duar në xhepa nga Belgjika nuk kishte lekë. Dua mbështetje dhe të ushtrohet presion me organet e prokurorisë që t’i jepet fund këtyre ngjarje që të mos ikë rinia shqiptare. Djali im nuk ka qenë i skeduar dhe kemi qenë familje e shëndoshë. Ishte i ndjeshëm dhe bënte shumë për shoqërinë”, tha Breshanaj.
26-vjeçari Kristian Breshanaj u vra në derën e shtëpisë natën e Bajramit. Dyshohet se autorët i kanë zënë pritë Breshanjt, në derën e shtëpisë dhe qëlluan me 10 plumba ndaj tij, por vetëm 5 prej tyre çanë trupin e tij.
Në lidhje me këtë ngjarje të rëndë policia deri më tani po heton në lidhje me dy pista në lidhje me atë që bënte i riu në Belgjikë dhe ndonjë konflikt i mundshëm që mund të ketë pasur gjatë qëndrimit të tij në Vlorë./abcnews.al
