Italia po i frikësohet një vrasësi serial që endet rrugëve të Romës, pas ngjarjeve që kanë ndodhur së fundi në kryeqytet. Dy gra të ekstraduara dhe një transeksual u vranë në një nga zonat më qendrore të Romës, pranë gjykatave.
Dy viktimat ishin nga Kina dhe e treta nga Kolumbia dhe jetonin në zonën e Pratit, pranë gjykatave dhe zyrave të televizionit publik italian Rai.
Të tre vrasjet janë kryer gjatë natës. Dy gratë kineze u gjetën të vdekura në shtëpinë e tyre: njëra në dhomën e gjumit dhe e dyta jashtë derës së shtëpisë, në ambientin e përbashkët të katit të parë. Autori i ka goditur me thikë për vdekje.
Në të njëjtën kohë, një transeksual kolumbian 65-vjeçar u vra në një apartament në katin e parë që ajo merrte me qira, ngjitur me Via Teulanda të Romës, ku ndodhen studiot e Rait. E në këtë rast krimi është kryer me thikë.
Sipas shtypit, ka shumë mundësi që të jetë i njëjti autor dhe të jetë një vrasës serial, i cili nuk mund të përjashtohet nga tentativa për të marrë jetën e grave të tjera të ekstraduara.
Sipas gazetës La Repubblica, shumë avokatë dhe profesionistë të lirë, që punojnë dhe jetojnë në këtë zonë, i kanë vizituar gratë e ekstraduara në mesditë, para ose pas drekës. Hetimet bazohen në provat e gjetura në celularët e grave të vrara dhe në pamjet nga kamerat e sigurisë.
Shumë gra të ekstraduara folën për mediat italiane dhe kërkuan nga prokuroria dhe autoritetet policore të bëjnë gjithçka për të gjetur menjëherë vrasësin, pasi mendojnë se jeta e tyre është në rrezik serioz. /abcnews.al
