Marsel Ismajlgeci, mbrojtësi i majtë i Tiranës, është i qartë në deklaratën e tij në prag të ndeshjes me Skënderbeun. Sipas tij bardheblutë nuk kanë çfarë bëjnë ndryshe në vazhdim.
“Nuk kemi çfrarë tregojmë ndryshe, duhet të vazhdojmë lojën tonë dhe të marrim maksimumin”, u shpreh fillimisht Ismajlgeci, ndërsa më pas u ngacmua edhe për humbjen me Kukësin.
Përgjigja e tij ishte e shkurtër: “Ndikoi lodhja në kupë, ata ishin më të fokusuar se ne”. Mbrojtësi ka pasur probleme dëmtimesh kohët e fundit, si dhe ishte i infektuar me COVID-19.
“I kam kaluar të gjitha problemet dhe jam gati të jap maksimumin tim”, shtoi i riu, i cili është edhe pjesë e Shqipërisë U21.
Në lidhje me ekipet rivale të Tiranës, Ismajgeci nuk veçon ndonjë mbi të tjerët: “Po t’i marrësh të gjitha ekipet, janë të fortë. I marrim seriozisht të gjitha ekipet dhe japim maksimumin”. / abcnews.al
