Vjen edhe zyrtarizimi. Jan Vertonghen kaloi tetë sezonet e fundit te Tottenham, ndërsa tani do të provojë emocionet e futbollit portugez. Mbrojtësi belg nuk rinovoi kontratën me Spurs dhe doli lojtar i lirë në fund të sezonit.
33-vjeçari pati disa oferta të ndryshme, mes tyre edhe atë të Interit, por u bind nga drejtuesit e Benfikës. Vertonghen është prezantuar pak momente më parë te klubi i famshëm luzitan.
✍️ Vertonghen assinou contrato com o Sport Lisboa e Benfica até 2023!#PeloBenfica pic.twitter.com/3jEraEmCy7
— SL Benfica (@SLBenfica) August 14, 2020
Autori i 118 ndeshjeve dhe 9 golave me kombëtaren e Belgjikës, ka firmosur deri në verën e vitit 2023 me “Shqiponjat e Lisbonës”, që janë shumë aktiv në merkato dhe kanë ambicie të mëdha për sezonin e ardhshëm. /abcnews.al
