Këtë të martë në Elbasan është ekzekutuar 41-vjeçari Everest Çaka .
Abcnews.al mëson se bashkëshortja Silvana Çaka, e cila ishte në makinë me viktimën është plagosur në dorë dhe është jashtë rrezikut për jetën.
Lexo edhe: Ekzekutimi i 41-vjeçarit në Elbasan, reagon policia: U plagos edhe bashkëshortja e viktimës
Ngjarja ka ndodhur në lagjen “Skënderbej” në qytetin e Elbasanit.
Ndërkohë shërbimet e Policisë kanë shkuar menjëherë në vendngjarje dhe kanë rrethuar zonën. Gjithashtu janë ngritur pika kontrolli në hyrje – daljet në qytetin e Elbasanit dhe vijon kontrolli i zonës.
Sakaq grupi hetimor nën drejtimin e Prokurorisë ndodhet në vendngjarje dhe vijon puna për zbardhjen e plotë të shkakut dhe rrethanave të ngjarjes si dhe identifikimin e kapjen e autorit/ve.
/abcnews.al/
