George Clooney është shprehur se ishte çmenduri që në xhirimet e filmit Rust, ku mbeti e vrarë kineastja Halyna Hutchins, kishte plumba të vërtetë. Ylli hollivudian tha se nuk e kishte dëgjuar më parë termin “armë e ftohtë” të përdoret për të përshkruar një armë zjarri që është e sigurt për t’u përdorur në xhirime.
Ky term supozohet se ishte përdorur nga ndihmësi i regjisorit përpara se t’i jepte revolen aktorit Alec Baldwin. Clooney tha se ishte një aksident i tmerrshëm. Ai tha se sa herë që i jepet një armë në xhirime, e hap, ia tregon personit të cilit e drejton dhe ekuipazhit, e gjuan disa herë në tokë përpara se ta përdorë për skenën.
“Çdo herë që më jepet një armë në xhirime, e shikoj, e hap, ia tregoj personit të cilit po e drejtoj, ia tregojmë ekuipazhit, dhe në çdo skenë e dorëzoj te përgjegjësi për armët dhe kur mbaron, bëhet e njëjta gjë përsëri. Një pjesë është për shkak të asaj që i ndodhi Brandonit (Brandon Lee). Të gjithë e bëjnë atë. Të gjithë e dinë.
Ndoshta Alec e ka bërë këtë, shpresoj ta ketë bërë, por problemi është se modelet e rreme janë të ndërlikuara. Sepse duken si plumba të vërtetë. Ata kanë një vrimë të vogël prapa ku dikush ka nxjerrë barutin”, tha Clooney. Baldëin është paditur për neglizhencë gjatë incidentit të tmerrshëm. /abcnews.al
