Dy persona janë arrestuar nga policia në Fier pasi ishin shpallur në kërkim. Dy të arrestuarit akuzohen për vepra të ndryshme penale.
Sipas policisë, në pranga ka rënë F. S. (K)., 44 vjeç, banues në Fermë Çlirim. Për këtë të fundit gjykata e Fierit ka vendosur masën “Arrest në burg” për veprat penale ”Plagosja e lehtë me dashje”, kryer në bashkëpunim dhe “Armëmbajtje pa leje”.
Gjithashtu është arrestuar E. T. (B)., 32 vjeç, banues në Martinë, Fier, pasi Gjykata e Shkallës së Parë Fier, i ka caktuar masën e sigurisë “Arrest në burg” për veprën penale ”Largimi i të burgosurit nga vendi i qëndrimit”.
Njoftimi i policisë:
Vijon puna për kapjen e personave në kërkim dhe vënien e tyre përpara përgjegjësisë ligjore.
Ndalohen 2 shtetas të shpallur në kërkim për vepra të ndryshme penale.
Specialistët për Hetimin e Krimeve në Komisariatin e Policisë Fier, në vijim të punës për kapjen dhe ndalimin e personave të shpallur në kërkim, ndaluan shtetasit:
-F. S. (K)., 44 vjeç, banues në Fermë Çlirim, pasi Gjykata e Shkallës së Parë Fier, me vendimin e datës 17.12.2020, i ka caktuar masën e sigurisë “Arrest në burg” për veprat penale ”Plagosja e lehtë me dashje”, kryer në bashkëpunim dhe “Armëmbajtje pa leje”.
-E. T. (B)., 32 vjeç, banues në Martinë, Fier, pasi Gjykata e Shkallës së Parë Fier, me vendimin e datë 30.03.2021, i ka caktuar masën e sigurisë “Arrest në burg” për veprën penale ”Largimi i të burgosurit nga vendi i qëndrimit”.
Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme procedurale.
g.v/abcnews.al
