Mike Pence ka sulmuar ish-presidentin Donald Trump, duke thënë se historia do ta mbajë atë përgjegjës për rolin e tij në sulmin e 6 janarit 2021 në Capitol.
Pence, në atë kohë nënkryetar, ishte në Capitol kur mijëra mbështetës të Trump depërtuan në ndërtesë në një përpjekje për të ndaluar Kongresin të certifikonte rezultatet e zgjedhjeve presidenciale të vitit 2020, të cilat Trump i humbi nga Joe Biden, shkruan The Guardian.
“Presidenti Trump e kishte gabim. Nuk kisha të drejtë të përmbysja zgjedhjet dhe fjalët e tij të pamatura rrezikuan familjen time dhe të gjithë në Capitol atë ditë, dhe e di që historia do t’i kërkojë llogari Donald Trumpit”, tha Pence.
Duke qenë se zëvendëspresidenti ka rolin kushtetues të presidentit të Senatit, Pence kryesonte atë që kishte qenë gjithmonë detyra ceremoniale e miratimit të votave të kolegjit zgjedhor./abcnews.al
