Ish modelja e Playboy u dënua të martën në Nevada me 10 deri në 25 vjet burg për vrasjen e një psikiatri në Kaliforni.
Trupi i rrahur i mjekut u gjet në vitin 2019 në bagazhin e makinës së braktisur të modeles pak jashtë Las Vegasit.
Kelsey Nichole Turner, 29 vjeç, ra dakord në nëntor të pranonte fajësinë për vrasje për të marrë një dënim të shkurtuar.
Turner pranoi se prokurorët me provat që kishin mund ta dënonin për vrasje të shkallës së dytë të psikiatrit 71-vjeçar Thomas Kirk Burchard nga Salinas, Kaliforni.
Turner, një ish-modele e revistës Playboy Italia dhe Maxim, u përlot në gjykatë, por nuk bëri asnjë deklaratë.
Ish-partneri i saj dhe një grua tjetër u dënuan gjithashtu për vrasjen.
Policia dhe prokurorët thanë se Turner kishte një “marrëdhënie të ngushtë” me psikiatrin dhe se ai pagoi qiranë në shtëpinë në Las Vegas ku Turner dhe i dashuri i saj jetonin me një shok dhome.
Ekzaminuesi mjekësor përcaktoi se Burchard ishte rrahur për vdekje me lëndime në kokë nga një objekt i paspecifikuar.
Gjurmët e gishtave të tre të dënuarve u gjetën në makinë së bashku me një shkop bejsbolli. /abcnews.al
