Zyrtarët e Qendrës Amerikane për Kontrollin dhe Parandalimin e Sëmundjeve (CDC) nuk janë “besnikë ndaj administratës. Ata janë besnikë ndaj shkencës”, ka deklaruar ish-drejtori i CDC-së, Tom Frieden.
“Unë i njoh mirë mjekët dhe shkencëtarët në CDC”, tha Frieden në një konferencë të organizuar nga Shoqata e Sëmundjeve Infektive të Amerikës. “Ata po përpiqen me çdo kusht për mbajtur nën kontroll virusin.”
Frieden, i cili është President dhe CEO i nismës globale të shëndetit Resolve to Save Lives, tha se CDC-ja nuk është besnike ndaj asnjë partie politike.
“Premtimi i CDC-së për popullin amerikan është që të bazojë të gjitha vendimet në të dhëna me cilësi të lartë”, tha ai.
Ai tha gjithashtu se zotimi është pjesë e ADN-së së CDC-së. s.ba/abcnews.al
