Taulant Dedja, ish-deputeti socialist gjatë qeverisjes së Fatos Nanos ka hedhur një mori akuzash ndaj ish-shefit të qeverisë duke theksuar se ai gënjeu mjaft gjatë intevristë së fundit tek Fevziu.
Dedja shprehet se Nanon mund ta kishin larguar nga partia që në vitin 1999, por ish-kryeministri bleu në fund votat e delegatëve të një rrethi verior duke qendruar në krye të PS.
Gjithashtu, përmes një statusi të gjatë në Facebook, Dedja shkruan se Nano e ka ende kompleks Berishën dhe Metën edhe pse sa herë ishte në hall iu drejtohej atyre për ndihmë.
“Dy komplekse inferioriteti ka ende Fatosi, atë ndaj Berishës dhe atë ndaj Metës, të cilëve u druhet gjithmonë. Harroi të thotë Fatosi me sa vota diferencë fitoi në Kongresin e vitit 1999 dhe nuk u tregua i sinqertë pse pas atij Kongresi ishte i detyruar ta pranonte Metën Kryeministër. Harroi të tregojë Fatosi si dhe pse bëri kompromis me Berishën për zgjedhjen e Topit President më 2007. Pra, Fatos, mos gënje kur flet për Berishën e Metën se u je drejtuar atyre sa herë ke qenë në hall“, shkruan Dedja.
Ish-kryeministri Nano dha një intervistë për gazetarin Blendi Fevziu dy netë më parë duke mos i kursyer akuzat ndaj Metës dhe Berishës dhe as lavdet ndaj shefit aktual të ekzekutivit.
Lexo edhe: “Berisha më ka vrarë nënën”, Fatos Nano flet për burgun: Ju tregoj gabimin më të madh në politikë
Kjo intervistë shkaktoi mjaft reagime në opinionin publik duke i lidhur fjalët e Nanos me një tjetër tentativë për t’u bërë president i vendit, post të cilin mund t’ja ofrojë vetëm Rama.
Lexo edhe: “E solla nga Parisi me thonj pa prerë”, Berisha i përgjigjet Nanos: Miq, fajin e ka Saliu
Postimi i plotë
PSE MASHTRON FATOS NANO?
Sot e kam kuptuar më në fund, falë Fevziut, pse Fatos Nano nuk u kërkoi kurrë falje as socialistëve dhe as shqiptarëve që ua la në derë Edi Ramën, të cilin e solli me thonj të paprerë nga Parisi me shumë lutje.
-Nuk thonë kot, më mirë vonë se kurrë apo sa do rrosh, do mësosh!
-Në rrëfimin e Nanos, alias Robert Çamçakizit, asgjë e rrallë nuk u pa apo dëgjua, përveç mungesës së sinqeritetit dhe teatralitetit.
-As te historia e urinës te oborri i shkollës nuk u tregua i sinqertë.
-Jo për gjë por ia kam kujtuar një herë punën e urinimit në një mbledhje Grupi Parlamentar pas të cilës e talla me “shakatë plot kripë të Duçes” dhe i kujtova që ia kish puthur dorën Rada Trajkoviçit.
-Dy komplekse inferioriteti ka ende Fatosi, atë ndaj Berishës dhe atë ndaj Metës, të cilëve u druhet gjithmonë.
-Harroi të thotë Fatosi me sa vota diferencë fitoi në Kongresin e vitit 1999 dhe nuk u tregua i sinqertë pse pas atij Kongresi ishte i detyruar ta pranonte Metën Kryeministër.
-Harroi të tregojë Fatosi si dhe pse bëri kompromis me Berishën për zgjedhjen e Topit President më 2007.
-Pra, Fatos, mos gënje kur flet për Berishën e Metën se u je drejtuar atyre sa herë ke qenë në hall!
-I vetmi moment sinqeriteti tek ti Fatos, ishte kur pranove se me kalkulime e përdore brezin tonë të eurosocialistëve në funksion të interesave të tua.
-Hallall ta kemi bëre Fatos, gjithsesi!
-Harram na qoftë Fatos që nuk të larguam dot qysh më 1999!
-Por mos harro Fatos, që edhe pse kishim kandidat Pandin, me të cilin ti tallesh gjithmonë, na munde me vetëm 17 vota diferencë dhe ti e di mire kush ta dha një dorë në minutat e fundit kur ende votohej në Kongres dhe ti falë aleancave të tua okulte arrite të blesh votat e delegatëve të një rrethi verior që e përmbysën rezultatin në favorin tënd…
-Jemi përplasur shumë herë bashkë Fatos, por paqen je ti që e ke kërkuar gjithmonë, jo unë, se ti e ke njohur mirë karakterin tim dhe e dije mirë që unë nuk i servilosesha kujt!
-Më në fund Ramës, i cili e ka poshtëruar rregullisht, sipas meje, Fatosi i shërben në mënyrë lëpirëse dhe të pështire tani, si pjesë e detyrimit ndaj Nexhmijes dhe Ramizit që e promovuan mbi bazën e një skeme, detyrim që monitorohet nga Ruçi!
-Blloku ende në fuqi sepse edhe Fatosi është shërbëtor i Bllokut!
Fatosi nuk e fshehu mbrëmë origjinën siç u përpoq 30 vjet. Fatosi u kthye në origjinë!
-Blloku duhet shkatërruar përfundimisht më 25 Prill!
-Është mision historik për ta shpëtuar perfundimisht Shqipërinë nga mbetjet komuniste!
