Në vizitën e tij të parë në Riad që kur Irani dhe Arabia Saudite ranë dakord për të rivendosur marrëdhëniet diplomatike në mars, presidenti iranian, Ebrahim Raisi u kërkoi vendeve që kanë lidhje me Izraelin t’i ndërpresin ato dhe bëri thirrje për mbështetje më të madhe për palestinezët.
“Qeveritë islame duhet ta caktojnë ushtrinë e regjimit okupues dhe agresor si organizatë terroriste”, tha Raisi, shkruan Al Jazeera.
Ai bëri thirrje për ndërprerje të çdo lloj marrëdhënie politike apo ekonomike me regjimin sionist.
“Zbatimi i një bojkoti tregtar kundër regjimit sionist, veçanërisht në fushën e energjisë, duhet të jetë prioritet”, shtoi ai.
Presidenti iranian sulmoi Shtetet e Bashkuara për mbështetjen financiare dhe ushtarake për Izraelin.
“Si makina luftarake e regjimit sionist dhe karburanti i tij i përkasin amerikanëve”, deklaroi ai, duke shtuar se “pa dyshim, qeveria amerikane është urdhëruesja dhe bashkëpunëtorja kryesore e këtij krimi”./abcnews.al
