Irani mbetet sfida kryesore për politikën e jashtme të Washington

schedule12:49 - 3 Maj, 2021

schedule 12:49 - 3 Maj, 2021

Një raport vjetor i inteligjencës amerikane e ka cilësuar Republikën Islamike si një vend që vazhdon të sfidojë interesat e Amerikës në Lindjen e Mesme.

Sipas raportit, Teherani “do të kërkojë të shmangë përshkallëzimin” me Uashingtonin ndërsa Republika Islamike e Iranit nga tjetër vlerëson qasjen e politikës së SHBA ndaj vendit dhe praninë e saj në rajon.

 

Në këtë kontekst, raporti prek vrasjen e vitit të kaluar të kreut të forcës elitare të Gardës Revolucionare Islamike (IRGC) të Iranit, gjeneralit Qasem Soleimani  nga amerikanët. Sipas raportit, vdekja e Soleiman në fillim të janarit 2020 përkeqësoi aleancat rajonale të Iranit dhe se Teherani po përforcon metodat e tij strategjike.

Tensionet SHBA-Iran

Gjenerali i lartë iranian u vra në një sulm me dron  pranë Aeroportit Ndërkombëtar të Bagdadit, një sulm që u autorizua nga Presidenti i atëhershëm Donald Trump. Irani ka sinjalizuar në mënyrë të përsëritur gatishmërinë e tij për të marrë hak për vrasjen e Soleiman, duke theksuar se sulmet e raketave balistike në bazat e SHBA në Irak në 8 janar 2020 ishin vetëm “shuplaka e parë” e hakmarrjes, raporton abcnews.al

Sulmet nuk rezultuan në vdekje ose plagosje serioze, por Pentagoni ka raportuar që së paku 109 ushtarakë amerikanë janë diagnostikuar me probleme në tru. Vrasja e gjeneralit përshkallëzoi tensionet midis Teheranit dhe Uashingtonit që kanë qenë të qeta deri në 8 maj 2018, kur Trump njoftoi tërheqjen e njëanshme të Uashingtonit nga marrëveshja bërthamore e Iranit 2015, i njohur gjithashtu si Plani i Përbashkët i Përgjithshëm i Veprimit (JCPOA) , dhe rivendosjen e sanksioneve kundër Teheranit.

 

Pas kësaj Irani njoftoi planet për të zvogëluar detyrimet e tij ndaj  JCPOA, duke përfshirë ato që lidhen me pasurimin e uraniumit.

Administrata e re e Biden shpesh ka sinjalizuar gatishmërinë e saj për t’u ribashkuar në marrëveshjen e Iranit, por  Teherani ka deklaruar nga ana tjetër se të gjitha sanksionet anti-iraniane pas nënshkrimit të JCPOA duhet të anulohen.

Veprimet e Uashingtonit dhe Teheranit janë në krye të agjendës së bisedimeve në vazhdim të Vjenës, ku marrin pjesë diplomatë të rangut të lartë nga Kina, Gjermania, Franca, Rusia dhe Mbretëria e Bashkuar./abcnews.al