Presidenti i Iranit bëri thirrje sot që Izraeli të përjashtohet nga OKB-ja, mes festimeve të 45-vjetorit të Revolucionit Islamik, të shënuar nga mitingje në Teheran dhe qytetet kryesore iraniane.
Mbështetja për palestinezët dominoi ngjarjet tradicionale të këtij viti që shënojnë përvjetorin e revolucionit të 1979.
“Ne propozojmë që të përjashtohet entiteti sionist nga Kombet e Bashkuara,” tha Presidenti Ibrahim Raisi, duke iu referuar Izraelit, një vend që nuk e njeh Iranin.
“Sepse ajo që po ndodh sot në Gaza është një krim kundër njerëzimit dhe mbështetësit e këtij regjimi kriminal janë SHBA dhe disa vende perëndimore”, shtoi presidenti iranian gjatë një fjalimi të mbajtur para mijëra njerëzve të mbledhur në sheshin Azadi në Teheran.
Irani është shfaqur si një nga aleatët kryesorë të Hamasit në luftën që filloi më 7 tetor me një sulm të paprecedentë nga grupi islamik palestinez në Izraelin jugor që vrau më shumë se 1,160 njerëz, shumica prej tyre civilë.
/abcnews.al
