Një njësi iraniane e dyshuar për dezinformim drejtonte një rrjet në Facebook që synonte hebrenjtë nacionalistë dhe ultrafetarë në Izrael në një përpjekje për të nxitur ndarjen dhe ndezur tensionet me palestinezët, sipas hulumtimit të ndarë ekskluzivisht me “BBC”. Fushata e supozuar e ndërhyrjes së huaj u zhvillua nëpër platforma të shumta të mediave sociale, duke u paraqitur si një grup lajmesh hebreje ultra-ortodokse që mbështet grupet e krahut të djathtë ekstrem.
Qëllimi i tij ishte të ndihmonte në nxitjen e “luftës fetare” duke përforcuar “frikën, urrejtjen dhe kaosin”, sipas vëzhguesit izraelit të dezinformimit FakeReporter, i cili zbuloi origjinën e dyshuar iraniane të grupit. Kjo është shenja më e fundit e një fushe beteje dezinformimi në rritje në mediat sociale dhe aplikacionet e mesazheve në Izrael. Rrjeti u bë aktiv pas shpërthimit të dhunës sektare të vitit të kaluar në vend raporton gazetari Tom Bateman i “BBC-së”.
Në një rast, rrjeti ripostoi një video të një konfrontimi midis një deputeti të ekstremit të djathtë që mbante një armë dhe një punonjësi palestinez të parkingut, duke shtuar komentin: “Është turp që nuk i dha një në kokë”. Facebook dhe Twitter çaktivizuan faqet e grupit dhe profilet shoqëruese pasi u kontaktuan nga FakeReporter. Rrjeti mbetet aktiv në kanalin e mesazheve Telegram.
Facebook thotë se llogaritë ishin pjesë e përpjekjeve për t’u rishfaqur pasi rrëzoi “një operacion të vogël ndikimi Iranian” marsin e kaluar. Kompania i sheh grupet me bazë në Iran si këmbëngulëse dhe me burime të mira në përpjekjet për të shfrytëzuar platformat e mediave sociale. “BBC” kontaktojë faqet e administratorëve të grupeve, duke i pyetur për vendndodhjen e tyre dhe pse ata përdorën përmbajtje të kopjuar, por ata nuk u përgjigjën.
Ambasada iraniane në Londër nuk i’u përgjigj kërkesave për koment të “BBC-së”. / abcnews.al
