Mbreti Charles thuhet se i ka thënë Princit Harry që të mos e marrë gruan e tij, Meghan Markle me vete në Kalanë Balmoral pasi anëtarët e tjerë të familjes mbretërore nxituan për t’i dhënë lamtumirën Mbretëreshës Elizabeth II, sipas mediave britanike.
Ishte fat për Harry-n dhe Meghan-in që ishin në Britani kur gjyshja e princit vdiq, duke shmangur kështu një udhëtim të vështirë nga SHBA. Por ndërsa Pallati shqetësohej për Mbretëreshën, Harry dhe gruaja e tij bënë bujë në prapaskenë duke njoftuar se do të udhëtonin në Balmoral.
Sipas The Sun, Harry ishte në Frogmore Cottage kur mori një telefonatë nga babai i tij duke i kërkuar që të mos sillte Meghan. “Charles i tha Harry-t se nuk ishte e drejtë apo e përshtatshme që Meghan të ishte në Balmoral në një kohë kaq të trishtuar”, tha një burim.
“Iu theksua se dhe gruaja e William nuk do të shkonte dhe se vetëm anëtarët më të afërt të familjes duhet të ishin të pranishëm. Charles e bëri shumë të qartë se Meghan nuk do të ishte e mirëpritur”.
Duka i Sussex ishte anëtari i parë i familjes mbretërore që u largua nga Balmoral dhe i fundit që mbërriti kur u publikuan lajmet për përkeqësimin e shëndetit të Mbretëreshës Elizabeth. Princi William – tani zyrtarisht trashëgimtar i fronit – u kthye në Windsor veçmas nga Harry.
Një person i brendshëm mbretëror tha gjithashtu se “është mjaft e vështirë të shpenzosh shumë kohë me dikë që e dini se është gati të botojë një libër që tregon gjithçka për ju”.
/abcnews.al
