Pavarësisht se humbën 1-2 kundër Juventusit, njëkohësisht edhe kreun e renditjes, Interi do të shpallet kampion i Italisë, sipas Antonio Cassanos. Ish-sulmuesi i Interit ende beson se zikaltërit mund të fitojnë titullin e Serisë A këtë sezon: “Rezultati nuk më ka bërë të ndryshoj mendim, pashë më pak hendek midis Juventus dhe Inter edhe pse bardhezinjtë treguan se janë shumë më të fortë”.
“Unë do të vazhdoj të them që Interi do të fitojë Scudettno”, tha ai në një intervistë për emisionin Sport Mediaset Tiki Taka. Cassano më pas foli për mesfushorët e Interit, Nicolo Barella dhe Stefano Sensi, ky i fundit i cili u detyrua të linte fushën e lojës gjatë pjesës së parë. “Në ndeshjet normale, Barella dhe Sensi bëjnë diferencën. Në këto ndeshje (ndaj Juventusit), ju duhet të keni kampionë: ata mund të rriten, por Interi ka nevojë për lojtarë të nivelit të lartë për këto sfida”, përfundoi ish-bomberi italian./abcnews.al
