Negociatat vazhdojnë prej disa javësh, por duket se akordi është arritur. Bëhet fjalë për portierin e “bavarezëve” të Bayern Munich, Yann Sommer, i cili prej kohësh tashmë është në radarët e “zikaltërve” të Inter dhe së shpejti mund të veshë fanellën e këtyre të fundit.
Sipas raportimeve më të fundit të gazetarit të mirënjohur të futbollit, Fabrizio Romano, klubi italian duket se ka gjetur akordin me “baverezët” e Bayern për shifrën e 4 milionë eurove dhe bonuset, teksa për çmimin tepër të ulët raportohet se ka ndikuar dhe dëshira e zviceranit për të kaluar në Serie A.
Ndërkaq, kujtojmë se pas një “aventure” të gjatë, te Borussia Monchengladbach, Sommer iu bashkua “bavarezëve” gjatë merkatos së dimrit, që sapo lamë pas dhe tanimë duket se “veterani” i portës do të nisë një “aventurë” të re. /i.m /abcnews.al
