Inter në verë bëri vetëm një blerje të madhe, duke transferuar Achraf Hakimin nga Real Madrid për 40 milionë euro, shifër që do paguhej në dy këste. Por situata financiare e Interit është në gjendje të vështirë.
Sot, disa muaj pas kalimit të marokenit në Itali, Real Madrid nuk ka marrë asnjë para nga shitja e talentit afrikan dhe në Madrid mesa duket e kanë humbur durimin.
Inter duhet të kishte paguar menjëherë për Hakimin këstin e parë, por italianët i kërkuan Perez të priste pak sepse për momentin situata financiare nuk ishte e mirë.
Real Madrid e mirëkuptoi situatën e klubit zikaltër dhe pranoi të priste, por deri më tani nuk është paguar asnjë kacidhe. Te Real e kanë humbur durimin dhe pritet të bëjnë ultimatumin e fundit para se çështja të delegohet në FIFA. /abcnews.al
