Interi tashmë është në bisedime me Chelsea për Romel Lukakun.
Sulmuesi belg është huazuar te klubi milanez deri në fund të sezonit aktual pa opsion blerjeje, por drejtuesit e Nerazzurrëve janë të interesuar për të vazhduar bashkëpunimin me lojtarin 29-vjeçar.
Klubi nuk ka gjasa të ketë fonde të mjaftueshme për të përmbushur kërkesën e transferimit të Chelsea për Lukakun dhe zgjidhja optimale për të gjitha palët mund të jetë zgjatja e huazimit të sulmuesit për një sezon tjetër. Sipas insajderit Fabrizio Romano, klubet tashmë e kanë diskutuar këtë mundësi, shkruan abcnews.al.
Pas riktheimit te Inter, Romelu Lukaku luajti tre ndeshje, duke shënuar një gol dhe një asistim, pas së cilës u dëmtua. /G.D abcnews.al/
