Spanja vijon të tallet dhe të injorojë Kosovën, edhe pse drejtuesit e RFEF (Federata e Futbollit të Spanjës) i konfirmuan presidentit Agim Ademi disa ditë më parë mikpritjen e tyre për përfaqësuesen e Kosovës, duke e siguruar kreun e futbollit dardan se ndeshja Spanjë-Kosovë do të zhvillohet konform rregullores dhe protokollit të FIFA-s dhe UEFA-s për ndeshjet zyrtare.
Përballja e grupit B, do të zhvillohet të mërkurën e 31 marsit në Sevilla, duke nisur prej orës 20:45. Spanja është një nga të paktat shtete evropiane që nuk ka njohur akoma pavarësinë e Kosovës. E përditshmja iberike AS nuk e shkroi fare Kosovën si pjesë të grupit B, teksa kohë më parë në Spanjë sfida me dardanët u cilësua si takimin kundër territorit të Kosovës.
✈️ ¡¡VOLVEMOS A ESPAÑA!!
? Tras lograr los tres puntos en el partido de anoche, la expedición española ya está lista para volar a Sevilla con @Iberia y disputar la última cita de esta concentración camino del Mundial de #Catar2022.#SomosEspaña #SomosFederación pic.twitter.com/DQvm5mjLM4
— Selección Española de Fútbol (@SeFutbol) March 29, 2021
Skuadra e Luis Enrique është nisur drejt Sevillas, teksa në njoftimin e kombëtares iberike në “Twitter” nuk përmendet fare Kosova, kundërshtari i ndeshjes së radhës. “Pasi siguruam tre pikët në ndeshjen e mbrëmjes së kaluar, ekspedita spanjolle është e gatshme të fluturojë në Sevilla dhe të luajë raundin e fundit të këtyre tre ndeshjeve në rrugën drejt Kupës së Botës, Katar 2022″. /abcnews.al
