Fondet e buxhetit të vitit të ardhshëm do të përqëndrohen në përfundimin e projekteve në infrastrukturë. Në projektbuxhet është parashikuar që të përfundojnë një sërë projektesh të rëndësishme që tashmë kanë nisur si në rrugë, aeroporte apo hekurudha. Investimet Publike për vitin 2025 janë planifikuar në masën 6.2% e PBB-së 161.8 miliardë lekë ose 1.6mld euro. Në raport me buxhetin e rishikuar të vitit 2024, vëllimi i investimeve publike në vitin 2025 parashikohet me rreth 11 miliardë lekë më shumë. Disa kantiere të reja që pritet të nisin në vend janë segmentet e tjera vijim i autostradës Thumanë-Kashar. Në këtë mënyrë pritet që vitin që vjen të nisë ndërtimi segmenteve Kashar-Lekaj e cila do të jetë një gjurmë plotësisht e re me vlerë 56.7 mld lekë,Lekaj –Fier dhe Milot –Thumanë.
Një projekt i rëndësishëm i cili pritet të nisë është edhe ndërtimi i aeroportit të Gjirokastër për të cilin janë parashikuar 4.2 miliardë lekë. Ndërtimi i tyre është parashikuar që të realizohet në formen e koncesioneve në bashkëpunim me privatin. Po ashtu në fokus parashikohet të jetë përfundimi i rrugës së Arbrit ,i hekurudhës Tiranë –Rinas –Durrës, Hekurudha Vorë – Hani i Hotit apo zgjerimi i autostradës Tiranë-Durrës, ByPass i Elbasanit dhe Elbasan – Qafë Thanë.
PROJEKTET E REJA
Ndërtimi i kashar-Lekaj 56.7 mld leke
Ndërtimi i lekaj –Fier 37.9 mld leke
Ndërtimi i Milot-Thumane 5.3 mld leke
Ndërtimi i aeroportit te Gjirokastres 4.2 miliarde leke./abcnews.al
